ບົດກະວີ ສົ່ງເສີມເງິນກີບ
ໂດຍ ສ. ສີໂຄດຕະບອງ
ທຸກຊາດເຊື້ອ ບົນໂລກໂລກາ ເຮົານີ້
ລ້ວນແຕ່ ມີເງິນຕາ ຊາດຕົນສະຫງວນໃຊ້
ສຳລັບ ລາວເຮົາໄດ້ ມີສະກຸນເງິນກີບ
ຢູ່ຄູ່ຄ້ຳ ເລິງເລື້ອຍສືບມາ
ຂໍໃຫ້ ລາວທົ່ວໜ້າ ຈົ່ງຮັກຫວງແຫນ ແດ່ທ້ອນ
ສົ່ງເສີມ ເງິນກີບລາວ ຊື້ຂອງສິນຄ້າ
ຊຳລະ ພາສີພ້ອມ ບໍລິການທຸກຢ່າງ
ເປັນເງິນກີບລ້ວນ ລາວກ້າວເຂື່ອນແຂງ ແທ້ດາຍ
ອັນນຶ່ງ ຢ່າຄິດຕື້ນ ນິຍົມຈ່າຍເງິນເຂົາ ອື່ນນັ້ນ
ຈະເປັນ ເງິນຕາໃຜ ຊ່າງຕາມລະວັງໄວ້
ກ່ອນຈະ ໄປນຳໃຊ້ ຢູ່ພາຍໃນປະເທດ ລາວນີ້
ໃຫ້ປ່ຽນ ເປັນກີບແລ້ວ ຈຶ່ງນຳໃຊ້ຈ່າຍສະບາຍ ທ່ານເອີຍ
ຖ້າທ່ານ ອອກຈາກບ້ານ ໄປປະເທດເມືອງເຂົາ
ຕ້ອງການ ມີເງິນຕາ ເພື່ອປະສົງການໃຊ້
ສາມາດ ແລກປ່ຽນໄດ້ ທະນາຄານທຸກແຫ່ງ
ມີບໍ່ອັ້ນ ກຽມພ້ອມຕອບສະໜອງ ແທ້ດາຍ
ນາຍົກ ປະກາດແຈ້ງ ອອກດຳລັດເປັນກົດ
ໃຫ້ທຸກ ຄົນປະຕິບັດ ລະບຽບການຫຼາຍຂໍ້
ຫວັງເພື່ອ ຮັກສາໄວ້ ຄວາມເປັນເອກະລາດ
ຮັກຊາດໝັ້ນ ສົ່ງເສີມໃຊ້ກີບລາວ ຊອບແລ້ວ
ເຊີນເຢີ ຊາວພີ່ນ້ອງ ທຸກທົ່ວດິນລາວ ຂ້ອຍເອີຍ
ຈົ່ງຮ່ວມ ໂຮມແຮງຮັກ ກີບສະກຸນນຳໃຊ້
ຢ່າໄດ້ ປະໄລໃຫ້ ເງິນກີບລາວ ຕົກຕຳ່
ຈົ່ງຊ່ວຍຄ້ຳ ຊູຂືຶ້ນຄ່າສູງ ແດ່ຖ້ອນ
ຈົບ.