ໝວດທີ III
ວ່າດ້ວຍອົງການຄຸ້ມຄອງຂອງສະມາຄົມ
ມາດຕາ 19: ກອງປະຊຸມໃຫຍ່ແມ່ນອົງການສູງສຸດ ຂອງ ສະມາຄົມ ເຊີ່ງມີໜ້າທີ່:
(1) ຜ່ານບົດລາຍງານ ຂອງຄະນະບໍລິຫານງານ
(2) ຮັບຮອງເອົາມະຕິຕົກລົງ
(3) ພິຈາລະນາທິດທາງແຜນການດຳເນີນງານຂອງສະມາຄົມ
(4) ເລືອກຕັ້ງຄະນະບໍລິຫານງານຊຸດໃໝ່
(5) ເລືອກຕັ້ງຄະນະກວດກາບັນຊີ
(6) ດັດແປງກົດລະບຽບສະມາຄົມ.
ມາດຕາ 20: ກອງປະຊຸມໃຫຍ່ສະໄຫມສາມັນ 4 ປີໃດເປີດຂື້ນເທື່ອໜື່ງ ຕາມການຮຽກໂຮມຂອງຄະນະບໍລິຫານງານຂອງສະມາ ຄົມ, ໃນກໍລະນີຈຳເປັນ ຄະນະບໍລິຫານງານຂອງສະມາຄົມ ຫຼື ສະມາຊິກສາມັນຈຳນວນ 2/3 (ສອງສ່ວນສາມ) ມີສິດສະເໜີ ຂໍເປີດ ກອງປະຊຸມໃຫຍ່ສະໄຫມວິສາມັນອີກກໍໄດ້.
ມາດຕາ 21: ກອງປະຊຸມໃຫຍ່ຈະເປີດຂື້ນໄດ້ກໍຕໍ່ເມື່ອມີສະມາຊິກເຂົ້າຮ່ວມກາຍເຄີ່ງ ຂອງຈຳນວນສະມາຊິກທັງໝົດ.
ມາດຕາ 22: ກອງປະຊຸມໃຫຍ່ຈະໄດ້ຮັບຮອງເອົາມະຕິຕ່າງໆໄດ້ ກໍຕໍ່ເມື່ອໄດ້ຮັບຄວາມເຫັນດີຈາກ ສະມາຊິກຈຳນວນກາຍເຄີ່ງ ຂອງ ຈຳນວນສະມາຊິກທີ່ເຂົ້າຮ່ວມກອງປະຊຸມ, ຍົກເວັ້ນກອງປະຊຸມດັດແປງກົດລະບຽບ ຂອງສະມາຄົມ ເຊີ່ງລະບຸໄວ້ໃນ ມາດຕາ 63.
ມາດຕາ 23: ກອງປະຊຸມສາມັນປະຈຳປີເປັນກອງປະຊຸມທີ່ ຄະນະບໍລິຫານງານຮຽກໂຮມສະມາຊິກທັງໝົດເຂົ້າຮ່ວມ ໂດຍອີງໃສ່ ຫຼັກການໃນມາດຕາ 21 ແລະ 22 ເພື່ອສັງເກດຕີລາຄາການປະຕິບັດວຽກງານ ແລະ ພິຈາລະນາຮັບຮອງເອົາທິດທາງໃນສົກໃໝ່; ຖ້າມີຄວາມຈຳເປັນຄະນະບໍລິຫານງານສະມາຄົມ ຈະຈັດກອງປະຊຸມວິສາມັນຕື່ມກໍໄດ້.
ມາດຕາ 24: ຄະນະບໍລິຫານງານສະມາຄົມ ຖືກເລືອກຕັ້ງຈາກກອງປະຊຸມໃຫຍ່ ແລະ ມີແຕ່ສະມາຊິກສາມັນເທົ່ານັ້ນທີ່ມີສິດປ່ອນບັດເລືອກຕັ້ງ.
ມາດຕາ 25: ຄະນະບໍລິຫານງານສະມາຄົມ ປະກອບດ້ວຍສະມາຊິກແຕ່ 9 ຫາ 15 ຄົນ ໃນຈຳນວນນີ້ 5 ຄົນ ຈະຖືກເລືອກຕັ້ງໃຫ້ ເປັນຄະນະປະຈຳ ເຊິ່ງປະກອບດ້ວຍ:
- ປະທານ 1 ຄົນ
- ຮອງປະທານ 3 ຄົນ (ໃນນັ້ນຮັບຜິດຊອບວຽກງານສາຍສາມັນສຶກສາ 1 ຄົນ, ວຽກງານ ສາຍອະຊີວະ 1 ຄົນ ແລະ ວຽກງານສາຍການສຶກສາຊັ້ນສູງ 1 ຄົນ)
- ເລຂາທິການ 1 ຄົນ
ມາດຕາ 26: ໃນຈຳນວນຄະນະບໍລິຫານງານນັ້ນ, ນອກຈາກຄະນະປະຈຳແລ້ວ, ຕ້ອງແບ່ງກັນໄປຮັບຜິດຊອບຄະນະກຳມະການ ວິຊາການແຕ່ລະສາຍ, ເຮັດວຽກງານໂຄສະນາເຜີຍແຜ່, ວຽກງານພົວພັນກັບພາຍນອກ, ວຽກງານກວດກາການເງິນ ແລະ ວຽກງານບໍລິຫານປະຈຳວັນ.
ມາດຕາ 27: ກອງປະຊຸມຄະນະບໍລິຫານງານເປີດຂື້ນຢ່າງໜ້ອຍປີລະຄັ້ງ ໂດຍແມ່ນຄະນະປະຈຳເປັນຜູ້ຮຽກໂຮມ, ໃນກໍລະນີຈຳເປັນ ຈະເປີດຂື້ນຫຼາຍຄັ້ງກໍ່ໄດ້.
ມາດຕາ 28: ຄະນະບໍລິຫານງານ ມີໜ້າທີ່:
(1) ຜ່ານບົດລາຍງານການເຄື່ອນໄຫວ ຂອງຄະນະປະຈຳ
(2) ກະກຽມ ແລະ ຮຽກໂຮມກອງປະຊຸມໃຫຍ່
(3) ຮ່າງຜ່ານລະບຽບ ຄຸ້ມຄອງການເງີນ, ລາຍຮັບ-ລາຍຈ່າຍ
(4) ກຳນົດລະບຽບ ສະຫວັດດີການສົງເຄາະສະມາຊິກ
(5) ກຳນົດອັດຕາຄ່າບໍາລຸງ ຂອງສະມາຊິກແຕ່ລະປະເພດ
(6) ກຳນົດຂອບເຂດສິດສັ່ງຈ່າຍເງິນຄັງ ຂອງສະມາຄົມ
(7) ກຳນົດມາດຕະຖານວຸດທິ ແລະ ຄຸນສົມບັດ ຂອງຜູ້ຮັບສະໝັກເລືອກຕັ້ງເຂົ້າເປັນຄະນະບໍລິຫານງານຊຸດໃໝ່
(8) ກຳນົດຮ່າງປັບປຸງການຈັດຕັ້ງພາຍໃນສະມາຄົມ
(9) ຮັບຜ່ານແຜນການວຽກງານປະຈຳປີ
(10) ເລືອກຕັ້ງຄະນະປະຈຳ
(11) ເລືອກຕັ້ງຜູ້ຕາງໜ້າ ສ.ກ.ອ ປະຈຳແຂວງ
(12) ກຳນົດລະບຽບ ວ່າດ້ວຍການຄຸ້ມຄອງການໂຄສະນາ ແລະ ການປະຊາສຳພັນກ່ຽວກັບຂໍ້ມູນ ດ້ານການສຶກສາ ທາງອິນເຕີເນັດ (ເຊັ່ນ: ເວບໄຊ໌ ), ວາລະສານ ແລະ ເອກະສານແຈ້ງຂ່າວອື່ນໆທີ່ເປັນປະໂຫຍດແກ່ການສຶກສາ
(13) ຍ້ອງຍໍ ຫລື ປະຕິບັດວິໃນຕໍ່ສະມາຊິກ ຂອງສະມາຄົມ.
ມາດຕາ 29 : ຄະນະປະຈຳສະມາຄົມຮຽກໂຮມປະຊຸມກັນຢ່າງໜ້ອຍ 3 ເດືອນໃດເທື່ອໜື່ງ; ກອງປະຊຸມຄະນະປະຈຳໄຂຂື້ນໄດ້ກໍຕໍ່ ເມື່ອມີສະມາຊິກເຂົ້າຮ່ວມຈຳນວນກາຍເຄີ່ງ; ມະຕິ ຫຼື ຄຳຕົກລົງ ຂອງຄະນະປະຈຳໃຫ້ຖືເອົາຕາມສຽງສ່ວນຫຼາຍ
ມາດຕາ 30: ຄະນະປະຈຳມີໜ້າທີ່:
(1) ລາຍງານການເຄື່ອນໄຫວວຽກງານ ຂອງຕົນ
(2) ກະກຽມກອງປະຊຸມໃຫຍ່
(3) ກະກຽມວາງແຜນການ ວຽກງານປະຈຳປີໃຫ້ຄະນະບໍລິຫານງານ
(4) ຊີ້ນຳ ແລະ ນຳພາຈັດຕັ້ງປະຕິບັດ ແຜນການວຽກງານປະຈຳປີ
(5) ແຕ່ງຕັ້ງຜູ້ຕາງໜ້າ ຂອງສະມາຄົມ ເຂົ້າຮ່ວມກອງປະຊຸມທັງພາຍໃນ ແລະ ຕ່າງປະເທດ
(6) ກຳນົດກົດລະບຽບພາຍໃນ ຂອງສະມາຄົມ
(7) ພິມຈຳໜ່າຍວາລະສານ ຫຼື ສິ່ງພິມຕ່າງໆ
(8) ຄຸ້ມຄອງຊັບສົມບັດຕ່າງໆ ຂອງສະມາຄົມ ລວມທັງເງິນບຳລຸງ ຂອງສະມາຊິກ
(9) ປະຕິບັດໜ້າທີ່ອື່ນໆ ທີ່ຄະນະບໍລິຫານງານມອບໝາຍໃຫ້.
ມາດຕາ 31: ຄະນະກຳມະການຍ່ອຍ ເປັນເສນາທິການໃຫ້ຄະນະບໍລິຫານ ຂອງ ສະມາຄົມ ເຊີ່ງປະກອບດ້ວຍ:
1. ຄະນະກຳມະການວິຊາການ
2. ຄະນະກຳມະການທ້ອງຖີ່ນ
ມາດຕາ 32: ຄະນະກຳມະການວິຊາການ ມີໜ້າທີ່ລົງເລິກວຽກງານຂອງແຕ່ລະປະເພດສະຖານການສຶກສາ (ປະເພດໃນລະບົບ,ນອກລະບົບ ແລະ ປະເພດ ພິເສດ) ໂດຍໃຫ້ມີກອງປະຊຸມຂອງສາຍນັ້ນໆ ເພື່ອເລືອກເອົາຄະນະກຳມະການ 3 ຫາ 5 ຄົນ ເພື່ອມາຊ່ວຍວຽກງານ ຂອງຄະນະບໍລິຫານງານ ຂອງສະມາຄົມ ເຊີ່ງມີ:
ມາດຕາ 33: ຫົວໜ້າຄະນະກຳມະການວິຊາການແຕ່ລະສາຍ ແມ່ນ ສະມາຊິກຂອງ ຄະນະບໍລິຫານງານ ສະມາຄົມ.
ມາດຕາ 34: ກອງເລຂາ ຂອງສະມາຄົມ ການສຶກສາພາກເອກະຊົນ ປະກອບດ້ວຍ: